Демонстрации по апсењата во Турција

Турската полиција употреби солзавец против илјадниците антивладини демостранти во Истанбул по наредбите на премиерот Ердоган за разбивање на заговорот поврзан со актуелната афера за корупција. Судирите избија меѓу демонстрантите и полицајците на плоштадот Кадикој. Ердоган оцени дека демонстрациите се насочени кон поткопување на владеењето на неговата партија со земјата.  Во меѓувреме, двајца синови на министри во владата, за полиција и за економија,  беа обвинети за корупција со градежно земјиште.  Досега се поднесени обвиненија против 24 лица . Во Истанбул демонстрантите извикуваа - „Секаде има корупција, секаде се подмитува“,  што наликуваше на извиците од летните протести на плоштадот Таксим. Демонстрантите синоќа  ги запалија барикадите, по што следуваше полициската употреба на солзавец и водни топови.