Дизелот поевтинува за 6,5 денари, бензините поскапуваат за половина денар
Регулаторната комисија за енергетика донесе нова одлука за цените на нафтените деривати, со која од полноќ дизелот и екстра лесното масло за домаќинство поевтинуваат за 6,5 денари за литар, додека бензините поскапуваат за 0,5 денари.
Регулаторната комисија за енергетика ги утврди новите највисоки малопродажни цени на горивата, кои ќе стапат во сила од полноќ. Според одлуката, цената на ЕУРОСУПЕР БС-95 ќе изнесува 88 денари за литар, а на ЕУРОСУПЕР БС-98 – 90 денари за литар. Цената на ЕУРОДИЗЕЛ БС ќе биде 85,5 денари за литар, додека екстра лесното масло за домаќинство ќе се продава по 87,5 денари за литар.
Од РКЕ информираат дека малопродажните цени на нафтените деривати во просек се намалуваат за 3,84 проценти во однос на претходната одлука. Бензините поскапуваат за 0,5 денари за литар, додека дизелот и екстра лесното масло поевтинуваат за 6,5 денари за литар. Цената на мазутот се намалува за 3,238 денари по килограм и ќе изнесува 47,906 денари.
Одлуката ќе почне да се применува од полноќ.