Кинескиот претседател во посета на Пјонгјанг

Севернокорејскиот лидер Ким Џонг Ун организираше банкет и уметнички настап за кинескиот претседател Шји Џинпинг, за време на официјалната посета на Пјонгјанг, прва по седум години. Средбата ја нагласи посветеноста за продлабочување на соработката меѓу Кина и Северна Кореја и обнова на нивните традиционални сојузи.

На самитот вчера, Шји изрази подготвеност да ја прошири соработката во трговијата, земјоделството, градежништвото и технологијата. Ким потврди дека Северна Кореја и Кина ќе го одржат своето пријателство како најважна стратешка работа со врвен приоритет.

Годинава двете земји навршуваат 65 години од потпишувањето на договор за меѓусебна одбрана.