МВР утре ќе спроведе симулациска вежба во близина на Грачани

Министерството за внатрешни работи соопшти дека утре (10 јуни), во периодот од 12:00 до 13:00 часот, во атарот на село Грачани ќе се реализира симулациска вежба.

За потребите на вежбата на терен ќе бидат ангажирани полициски службеници и службени возила, поради што се очекува зголемено присуство на припадници на безбедносните служби во наведениот реон.

Од МВР апелираат до граѓаните кои ќе се најдат во близина да ги почитуваат насоките и упатствата на службените лица за непречено спроведување на активностите.