САД изврши нови воздушни напади врз Иран

САД утрово со нови воздушни напади врз Иран, откако претседателот Трамп предупреди дека Техеран ќе плати цена за застојот во преговорите. Исламската Република се закани дека ќе возврати за нападите, а сирени за напади се огласија во Бахреин, дом на седиштето на Петтата флота на американската морнарица. Кувајтската војска објави дека воздушната одбрана е активирана.

„Претседателот Трамп е подготвен да се врати и да се бори доколку е потребно, но му даде отворена рака на Иран за да го склучи овој договор. Ако треба да преговараме со бомби, ќе преговараме со бомби и сме многу добри во тоа. Никој не е подобар во светот“, изјаву Пит Хегсет, секретар за одбрана на САД.

Шефот на ООН предупредува дека ескалацијата на нападите и реториката ризикуваат целосна војна во Иран и регионот. Советот за соработка во Заливот, ги осуди ирански воздушни напади врз Бахреин, Кувајт и Јордан и вели дека бруталната иранска агресија не создава стабилност ниту гради односи.

„Она на што Бахреин и братската држава Кувајт беа подложени, бруталната иранска агресија со беспилотни летала, е новата епизода во овој агресивен став. Ова е жестоко кршење на суверенитетот на земјите и одлуките за меѓународен легитимитет и е во спротивност со она што го бара нашата исламска вера, преку отфрлање на непријателствата и крвопролевањето“, изјави Абдулатиф бин Рашид Алзајани, министер за надворешни работи на Бахреин.

Вашингтон инсистира на отворање на Ормускиот теснец и Иран да нема нуклеарно оружје. Од друга страна, иранските власти тврдат дека нивната нуклеарна програма има мирољубив карактер и нема да се откажат од правото на научен и технолошки развој. Иранскиот претседател Пезешкијан порача дека Техеран нема да попушти под американски притисок.