Приведени 13 возачи за безобѕирно возење, најголем дел без возачка дозвола
Во изминатите 24 часа полицијата лишила од слобода 13 возачи поради безобѕирно управување со возило. Од нив, 11 возеле без возачка дозвола, еден бил под дејство на алкохол, а еден управувал со брзина поголема од дозволената.
Во текот на изминатото деноноќие, полициските службеници на територијата на целата држава лишиле од слобода 13 возачи за безобѕирно управување со возило. Најголем дел од нив, односно 11 лица, биле затекнати како управуваат возило без возачка дозвола, додека едно лице возело под дејство на алкохол, а едно со брзина над дозволената.
Во Скопје биле приведени две лица – едно поради управување без возачка дозвола и едно поради возење под дејство на алкохол. Во Прилеп и прилепско биле затекнати пет возачи без дозвола, а по едно лице за истиот прекршок во Гостивар, Кочани, Неготино, Кавадарци и Кичево. Во Гевгелија, пак, било приведено лице кое управувало возило со брзина поголема од дозволената.
Од МВР информираат дека по целосното документирање на случаите ќе бидат поднесени соодветни кривични пријави и апелираат до граѓаните да ги почитуваат сообраќајните правила и прописи за поголема безбедност во сообраќајот.