Претрес во Битола: Пронајдена дрога, приведен 32-годишник
Битолската полиција приведе 32-годишен жител на градот откако при претрес во неговиот дом биле пронајдени повеќе пакувања со прашкаста материја, марихуана, дигитална вага и пари во различни апоени. По целосно расчистување на случајот, против него ќе биде поднесена соодветна пријава.
Полициски службеници од СВР Битола на 22 јуни го лишиле од слобода З.Б. (32) од Битола, во рамки на акција за сузбивање на недозволена трговија со дрога.
Како што информира МВР, при претрес во домот и помошните простории што ги користи осомничениот, извршен по наредба од Основниот суд во Битола, биле пронајдени и одземени повеќе пакувања со кафеава прашкаста материја, марихуана, дигитална вага и банкноти во различни апоени.
Лицето е задржано во полициска станица, а по целосно документирање на случајот против него ќе биде поднесена соодветна пријава.