Манасков со голот против Барселона на прво место во изборот на ЕХФ

Европската ракометна федерација (ЕХФ) ја објави листата на десетте најатрактивни погодоци од минатата сезона во Лигата на шампионите, а на првото место се најде голот на македонскиот репрезентативец Дејан Манасков, член на Еурофарм Пелистер.

Манасков признанието го заслужи со ефектниот погодок постигнат на натпреварот против Барселона. Акцијата започна со прецизно додавање од голманот Никола Митревски, по што Манасков навремено се уфрли во длабочина, ја прими топката во скок и ја испрати во мрежата.

На второто место на листата се најде Матијас Гидсел, додека во топ 10 се пласираа и Тсковребадѕе, Баруфе, Мачковшек, Клар, Мине, уште еден погодок на Гидсел, Арнолдсен и Гасама.

Изборот на ЕХФ претставува уште едно признание за Манасков и за македонскиот ракомет, со оглед на силната конкуренција од најдобрите европски клубови во елитното натпреварување.