Голем земјотрес регистриран и во Јапонија

Земјотрес со интензитет од 7,2 степени според Рихтеровата скала регистриран во Северна Јапонија. По земјотресот не е издадено предупредување за појава на цунами.

Епицентарот бил во морето во близина на источниот брег на префектурата Ивате, на длабочина од 50 километри.

Нуклеарните централи и постројки, меѓу кои и „Фукушима даичи“, што беше тешко оштетена во разорниот земјотрес и цунамито во 2011 година, и фабриката за преработка на потрошено нуклеарно гориво во Аомори, не пријавиле никакви неправилности.