Претседателот Иванов и министерот Попоски на Самит за климатски промени

Војните се незаобиколив дел од секоја сесија на Генералното собрание на Обединетите Нации. Почна големиот собир на светската асамблеја со учество на рекорден број шефови на држави и на влади.

Своја агенда има и македонскиот претседател. Заедно со министерот за надворешни работи Никола Попоски учествуваат на Самитот за климатски промени.

Македонија е првата земја од Западен Балкан која го комплетираше третиот национален извештај од Рамковната конвенција за климатските промени.

До крајот на 2014-та ќе го достави и првиот двегодишен отчет за емисија на издувни гасови.