По историскиот пласман, Ѓорческа го чека првиот меч на Вимблдон

Најдобрата македонска тенисерка Лина Ѓорческа денеска ќе го дознае својот противник во првото коло на главниот турнир на Вимбелдон, откако успешно ги мина квалификациите и обезбеди историски пласман.

Со тоа, Ѓорческа стана првата македонска тенисерка што ќе настапи во главниот турнир во поединечна конкуренција на Вимблдон. Нејзиниот пласман претставува значаен успех за македонскиот тенис и уште едно големо достигнување во нејзината кариера.

Ждрепката за главниот турнир ќе го одреди нејзиниот прв противник, а настапот на најпрестижниот светски тениски турнир е можност за нов успех на македонската тенисерка.