Ново обвинение за учесници во протестите за случајот „Монструм“

Уште 10 лица се осомничени за учество во толпата која направи неред пред зградите на судовите за време на протестите за пресудата за случајот „Монструм“.

Во претходната постапка која беше покрената за учесниците во протестите по три години затвор добија шестмина насилни демонстранти, двајца добија ослободителни пресуди, за едниот обвинителот го повлече обвинението, а другиот судот го ослободи бидејќи немало докази.

Судот ги задолжи обвинетите солидарно да ја надоместат штетата предизвикана од дивеењето и мавањето со камења кон зградите на судовите при што беа оштетени повеќе прозорски стакла.