17 мигранти пронајдени во куќа во Желино

Во куќа во тетовско Желино, полицијата пронашла 17 албански државјани кои престојувале нелегално. Тие се на возраст од 19 до 53 години. Шеснаесет од нив поседувале лични документи, а еден бил без документи.

Легалено влегле во нашата земја, но непријавено престојувале и работеле во Желино.

Сите биле приведени и задржани во тетовската полициска станица, а потоа биле предадени на отсекот за прекуграничен криминал, миграции, странци и реадмисија за натамошна постапка.

Полицијата ги расветлува сите поединости поврзани со нивниот престој на подрачјето, по што тие ќе се соочат со законски предвидените санкции и ќе бидат депортирани во нивната матична земја.