Пронајдена поголема количина дрога во напуштен подрум во скопски Аеродром

Полициски службеници од Единицата за недозволена трговија при СВР Скопје вчера пронашле поголема количина разновидна наркотична дрога при претрес во напуштени подрумски простории во зграда на подрачјето на општина Аеродром.

Како што соопшти Министерството за внатрешни работи, биле пронајдени бела грутчеста материја, халуциногени печурки, поголема количина таблети екстази, марихуана, како и три дигитални ваги.

Од МВР информираат дека се преземаат мерки за целосно расчистување на случајот, по што ќе биде поднесен соодветен поднесок.