Девет земји бараат од Брисел да го ублажи воведувањето на новите гранични проверки

Коалиција од девет европски земји бара од Брисел да ја продолжи флексибилноста во итни случаи за системот за влез и излез од унијата и по шести септември.

Според Белгија, Франција, Германија, Грција, Италија, Малта, Холандија, Португалија и Швајцарија, блокот сè уште не е подготвен постепено да ги укине сегашните мерки.

Механизамот за итни случаи им овозможува на граничните служби, привремено да го суспендираат земањето отпечатоци од прсти и скенирањето на лицето на патниците.

Целта е да се намали метежот на граничните премини, при што и натаму со пасош се евидентира секое лице што влегува и излегува од Шенген-зоната.