Галичник и годинава домаќин на една од најзначајните културни манифестации во земјава – Галичката свадба
Галичник и годинава домаќин на една од најзначајните културни манифестации во земјава – Галичката свадба. Со вековните свадбени обичаи, песни, ора и народни носии, ќе биде продолжена традицијата што повеќе од половина век го чува македонското културно наследство...
Живописниот Галичник повторно домаќин на една од најпрепознатливите и најавтентични културни манифестации во Македонија-„Галичката свадба“. Во центарот на вниманието се младоженците, Александар Пендароски и Мартина Михајлова. Нивниот избор носи и посебна симболика, бидејќи годинава се навршуваат 35 години од првата современа Галичка свадба одржана во 1991 година, кога биле венчани родителите на Александар.
Покровител на годинашната галичка свадба е претседателката Гордана Сиљановска-Давкова.