Коло за разрешување на првите дилеми!

По третото коло на Светското првенство во одбојка за жени во Италија, неколку репрезентации может да обезбедат пласман во втората фаза којашто исто така ќе се одигра во групи.

Во А конкуренцијата, Германија го совлада Тунис со 3:0 и привремено е на првата позиција, но пред да се одиграат дуелите Хрватска – Донминиканска Република и Италија – Аргентина. Со евентуални триумфи, домаќинот и Доминикана ќе се пласираат во вториот круг. Мечот Хрватска – Доминиканска Република ќе почне во 17 часот, а преносот на МРТ по завршувањето на собраниската седница.

Олимпискиот шампион Бразил ја оствари и третата победа во групата Б и тоа со 3:0 против Канада и доколку Бугарија не ја победи Турција, „кариоките“ уште денеска ќе бидат меѓу шеснаесете најдобри репрезентации. Победа на Турција би и одговарала и на Србија којашто со триумф против Камерун ќе обезбеди втора рунда.  

Во групата Ц, Тајланд реализираше вредна победа во трката за четвртото место од 3:0 пртоив Мексико. Со очекувано славје против Казахстан, мундијалскиот првак Русија и теоретски би бил во наредната фаза, а истото ќе важи и за поуспешниот од дуелот Холандија – САД.

Најкомпликувана е ситуацијата во сегментот Д. Азербејџан славеше против Порторико со 3:2 и сега е четврти со четири бода колку што имаат и Јапонија и Порторико. Јапонките ќе играат против Куба, а лидерот со шест бода Кина против петопласираната Белгија којашто има три.