Апелација ги потврди доживотните казни за убиствата на Вања и Панче, на Ѓорчевски повторно ќе му се суди

Скопска Апелација го потврди доживотниот затвор за Љупчо Палевски-Палчо, Велибор Манев, Боре Видевски и Влатко Кешишев, четворицата осудени за грабнувањата и двојното убиство на Вања Ѓорчевска и на Панче Жежовски. Судот ја укина ослободителната пресуда за таткото на Вања, Александар Ѓорчевски, и предметот го врати на повторно одлучување. Ова значи дека за него ќе има ново судење. Тој се гонеше дека давал информации за времето кога неговата ќерка излегувала на училиште, иако тој негираше дека помагал во грабнувањето.

Според обвинението, групата испланирала грабнување на 14-годишната Вања, со цел да присили член на нејзиното потесно семејство да даде пари за откуп.  Грабнувањето на Жежовски во Велес, пак, било со намера да го присилат да им го даде неговото возило за да го користат за грабнување на детето во скопје.двајцата беа пријавени за исчезнати на 24 и 27 ноември, а на 3 декември 2023 беа пронајдени мртви.