Сончево и многу топло, попладне можен локален дожд

Македонија денес ќе биде под влијание на многу топла воздушна маса, со сончево и многу топло време и максимални температури од 34 до 40 степени. Во попладневните часови, особено во западните и планинските делови, ќе има локален развој на нестабилна облачност со пороен дожд, грмежи и засилен ветер, најавува Управата за хидрометеоролошки работи (УХМР).

Во Скопје ќе биде претежно сончево и многу топло, со температура до околу 40 степени, а кон крајот на денот постои мала можност за краткотраен локален дожд и грмежи.