Кинеската морнарица спровела маневри со боево гаѓање на еден од оддалечените острови на Јапонија во Тихиот Океан

Кинеската морнарица спровела маневри со боево гаѓање на еден од оддалечените острови на Јапонија во Тихиот Океан во неделата, за време на заедничката вежба со Русија, соопштија јапонски официјални лица. Властите во Токио изразија загриженост за потенцијалната закана за безбедноста на околните бродови. Поднесена е протестна нота до Кина преку дипломатски канали.

Од јапонското министерство за одбрана велат дека она што се случува во Европа и Источна Азија не е изолирано, и е уште една манифестација на продлабочувањето на воената соработка меѓу Кина и Русија.