Едно лице загина, а најмалку 16 се повредени во инцидентот на Парадата на гордоста во Берлин

Возило влета во толпа синоќа за време на одржувањето на Парадата на гордоста во Берлин, при што едно лице загина, а најмалку 16 се повредени, поради што полицијата ја прекина манифестацијата. Властите започнаа потрага низ градот по 21-годишниот осомничен Абдул Б. Според изјави на сведоци, неколку лица се здобиле со убодни рани, а други изјавиле дека виделе лице облечено во црна облека и вооружено со мачета.

„Врз основа на првичните наоди на истражителите, веќе идентификувавме осомничен сторител. Мерките против овој осомничен, кој сè уште не е уапсен веќе се во тек. Тој ни е познат како член на исламистичките „кругови“ тука во Берлин. И нашата потрага по ова лице продолжува со полна брзина“, изјави Флоријан Нат, портпарол на полицијата во Берлин.