Сиетл: Пукање на фестивал за храна, има мртви и ранети

Две лица се убиени во пукотница на популарниот фестивал за храна во центарот на Сиетл. Најмалку петмина се повредени меѓу кои и 2-годишно дете. Голем број полицајци и екипи на итната медицинска помош интервенирале на местото на настанот.

„На почетокот пукањето навистина звучеше како огномет. Сè се случи многу брзо. Сите почнаа да бегаат, па и ние едноставно трчавме со толпата додека не дојдовме на безбедно место. Беше навистина страшно“, изјави Лиен Коулс, сведок на пукањето.

Полицијата потврди дека го истражува инцидентот и ги замоли граѓаните да ја избегнуваат оваа област.