Нови 127 прегледани гостиварчани со симптоми на ентероколит

Министерството за здравство излезе со дневниот пресек за епидемиолошката ситуација во Гостивар. Вчера се регистрирани уште 127 пациенти со симптоми, двајца повеќе од претходниот ден. Има и двајца хоспитализирани, еден на инфективното и еден пациент на одделението се педијатрија.

Со тоа, вкупната бројка на случаи се искачи на речиси 4 илјади и 200. Досега се анкетирани 563 пациенти, а бројот на пријави за заразна болест се искачи на 833.