Номинации на ИХФ за ракометари на годината

Светската ракометна федерација ги објави  имињата на номинираните  за ракометар и ракометарка на 2013 година.

Во конкуренција за најдобар ракометар на светот се:

Домагој Дувњак (Хрватска), Филип Јиха (Чешка), Микаел Хансен (Данска), Даниел Нарсис (Франција) и Арпад Штербик (Шпанија).

За титулата „ракометна кралица“ во игра се следниве ракометарки:

Катарина Булатовиќ (Црна Гора), Анита Горбиц (Унгарија), Андреа Лекиќ (Србија) и Норвежанките Хајди Локе и Катрин Лунде-Харалдсен.

Изборот на номинираните го направи стручно жири на ИХФ, а гласовите на ракометните фанови од целиот свет ќе ги дадат лауреатите за 2013 година.

Прогласувањето ќе биде направено на 26 јануари 2014 година на денот на одигрувањето на финалето на Европското првенство во Данска.