Опасност од проширување на војната меѓу САД и Иран

Војната меѓу САД и Иран е во критична точка со потенцијал за понатамошна ескалација, став на аналитичари. Двете страни и вчера разменија ракетни баражи. По неколку дена пауза, стравувањата од поширока војна се зголемија, а обновените борби се закануваат да зафатат уште повеќе земји.

„Природата на тековната војна, природата на војната што почна на 28 февруари помеѓу Иран, САД и Израел е мобилна, може да се прошири, неконтролирана. И како што покажаа настаните во претходните денови и недели, ќе биде многу покомплицирана и повремено надвор од контрола. Ова не е војна што може да спаѓа во категоријата на управувани ескалации“, изјави Арман Махмудијан, истражувач на Институтот за глобална и национална безбедност на Универзитетот во Јужна Флорида.

Во исто време, Американскиот претседател Трамп вели дека Одборот за мир постигнал договор за „целосно разоружување“ на Хамас и други вооружени групи во Газа.