Жртви и повредени во руски ракетен напад врз Киев

Четири лица загинаа, а 15 други се повредени во руски ракетен напад врз Киев во раните утрински часови. Русите испалиле меѓу 12 и 14 балистички ракети од различни типови и девет хиперсонични противбродски крстосувачки ракети „Циркон“, објавија каналите на Телеграм на градската администрација во Киев.

Според градоначалникот Кличко, пожар имало во шесткатна зграда во Соломенскиот округ во главниот град, изгорени автомобили, а во уште два округа на Киев е забележано паѓање на остатоци на нестанбена зграда.