Претрес во Куманово: Пронајдена марихуана, уапсен 42-годишник

Полициски службеници од СВР Куманово вчера го лишиле од слобода М.М. (42) од селото Биљановце, кумановско, по претрес во неговиот дом при кој биле пронајдени дрога и предмети поврзани со нејзина употреба.

Како што соопшти Министерството за внатрешни работи, претресот бил извршен со судска наредба, при што биле пронајдени и одземени марихуана и дробилка.

Од МВР информираат дека по целосно документирање на случајот, против лицето ќе биде поднесена соодветна кривична пријава.