Велс ја повлече поддршката за Инфантино
Велс стана првата земја што јавно ја повлече поддршката Џани Инфантино да добие уште еден мандат на чело на ФИФА.
Овој потег следува по губењето на довербата во претседателот на ФИФА, поради неговиот неуспешен план за продажба на удели од Светското првенство на приватни инвеститори.
Фудбалската федерација на Велс потврди дека „ја повлекува поддршката за кандидатурата на Џани Инфантино за реизбор за претседател на ФИФА за мандатот 2027-2031“.
Пред овој развој на настаните, Инфантино имаше писмена поддршка од мнозинството национални фудбалски федерации.
„Неодамнешните неуспеси во доброто управување, процедурите, лидерството, вредностите, управувањето со засегнатите страни, комуникацијата и здравото расудување нè доведоа до позиција во која Џани Инфантино ја загуби нашата доверба да остане на чело на светскиот фудбал. Не можеме да прифатиме неуспех интересите на фудбалот да се стават на прво место“, се наведува во соопштението на Фудбалската федерација на Велс.