За случајот со родилката од Штип, ДСЗИ спроведува вонреден инспекциски надзор
Според најавите, денови се очекува инспекторатот да ги комплетира надзорите и да ја прибере целата медицинска документација, по што ќе се утврди фактичката состојба.
Државниот санитарен и здравствен инспекторат спроведува вонреден инспекциски надзор во трите здравствени установи, во кои била третирана 19-годишната жена, чиешто семејство раскажа дека по вториот царски рез останала парализирана. Под лупа се Струмичката болница, Клиничката болница во Штип и Универзитетска клиника за неврологија во Скопје. Според најавите, денови се очекува инспекторатот да ги комплетира надзорите и да ја прибере целата медицинска документација, по што ќе се утврди фактичката состојба.
„Случајот ќе биде разгледан темелно, професионално и докрај. ниту еден аспект нема да биде изоставен, а доколку се утврдат пропусти, ќе бидат преземени соодветни мерки согласно надлежностите и важечките законски прописи“, велат од министерството за Здравство.