Пронајден дрон со експлозив на аеродромот во Лајпциг

На германскиот аеродром Лајпциг/Хале вчера бил пронајден дрон со експлозиви, а по брзата интервенција на властите, уредот набргу бил деактивиран. 

Двете писти на главниот товарен центар останаа затворени, а неколку летови, вклучувајќи еден патнички авион, биле пренасочени кон други аеродроми откако летачки објект бил забележан во близина.

„Би било премногу едноставно да се верува дека на оваа форма на закана, која објективно постои, може да се спротивставиме или да одговориме со една мерка...тука се работи за конкуренција, во која можеби се вклучени и странски сили. Oва ќе биде дел од истрагата, која очигледно има за цел да придонесе за значителна несигурност во Германија, не само на аеродромите, туку и на други места“, изјави за медиумите Александар Добриндт, министер за внатрешни работи на Германија.