Се контролираат цените и инфлацијата, засега нема нови економски мерки
Се контролираат цените и инфлацијата во земјава и засега не се предвидени нови економски мерки. Некои сезонски производи имаат и пониски цени, велат од министерството за економија и труд. Последното зголемување на цената на дизелот се контролира да биде пониско од регионот. Стопанството е претпазливо, а за нови државни мерки потребни се анализи за контрола на инфлаторните движења.
Засега нема потреба од нови мерки зашто со досегашните се контролираат инфлацијата и цените на производите во земјава. Владата ги намали акцизата и ДДВ-то на горивата, а последното зголемување на цената на дизелот е според светските берзи, а ние се фокусираме цената да остане пониска од соседните земји во регионот, изјави заменик министерот за економија и труд, Марјан Ристески, нагласувајќи дека за некои мерки претходно се потребни целосни анализи.
Инспекциските контроли и анлизи на цените на 700 производи покажуваат дека нема големо зголемување. Дури има и намалување кај сезонските земјоделски производи. Стопанството е претпазливо и главна е стабилизацијата на инфлацијата.
Есенва се очекуваат измените во законот за нефер трговски практики и десеткратно зголемување на сегашните казни кои се до 20. 000 евра.
Елизабета Митреска