АМСМ: Зголемен интензитет на сообраќајот на патните правци надвор од градовите
На граничните премини од македонска страна засега нема подолги задржувања за влез и излез од државата
Сообраќајот на државните патишта утрово се одвива умерено, без поголеми пречки и по суви коловози, информираат утрово од Автомотосојузот на Македонија (АМСМ).
од АМСМ сепак предупредуваат на внимателност при возењето надвор од градовите, бидејќи информираат дека е зголемен интензитетот на сообраќај на патните правци надвор од градските средини.
На граничните премини од македонска страна засега нема подолги задржувања за влез и излез од државата.
Од АМСМ апелираат до возачите да ја приспособат брзината на условите на патот, да ја почитуваат сообраќајната сигнализација и да управуваат внимателно, особено на патиштата низ котлините, речните долини и клисурите, каде што е можна појава на одрони.