Мотоциклист загина во сообраќајна несреќа на патот Радишани – Побожје

Дваесет и едногодишен мотоциклист го загуби животот во сообраќајна несреќа што попладнево се случила на патот Радишани – Побожје.

Информацијата за МИА ја потврди раководителот на смена во Итната медицинска помош – Скопје, доктор Драган Панов.

Како што информираше Панов, по пристигнувањето на екипата на Итната медицинска помош, кај мотоциклистот биле констатирани отсуство на витални знаци и смрт на лице место.

Околностите под кои се случила несреќата и причините за неа се утврдуваат.