Граничните контроли меѓу Шпанија и Италија доведоа до дипломатски спор меѓу двете земји
Потезите на двете влади директно загрозуваат милиони патници, додека Брисел се обидува да ја смири ситуацијата и да го спречи потрајното нарушување на шенгенската зона.
Взаемното воведување гранични контроли меѓу Шпанија и Италија прерасна во сериозен дипломатски спор. Она што започна како ненадејна мерка на Рим по мигрантскиот притисок во шпанската енклава Сеута, резултираше со реципрочни контроли од страна на Мадрид.
Потезите на двете влади директно загрозуваат милиони патници, додека Брисел се обидува да ја смири ситуацијата и да го спречи потрајното нарушување на шенгенската зона.
„Се надеваме дека Италија ќе реагира и ќе сфати дека Шенген-зоната во ниту еден момент не е нарушена и дека останува безбедна. Мораме да го браниме и достоинството на нашите граѓани“, Сара Аагесен, министерката за еколошка транзиција на Шпанија.
Во меѓувреме, илјадници жители на Сеута на масовни демонстрации бараат одговор на миграциската криза.