Македонија
МВР: 18-годишник уапсен во Скопје, со сила ограбил 70-годишна жена
10.08.2026 16:31
Полицијата расчисти случај на тешка кражба на дрзок начин во центарот на Скопје. 18-годишник од Кочани е лишен од слобода, откако бил пријавен дека со употреба на физичка сила од 70-годишна скопјанка одзел личен накит.
Случајот се случил на 9 август околу 12:20 часот на подрачјето на Центар. Полициски службеници од СВР Скопје го привеле Д.И. (18) од Кочани, постапувајќи по претходната пријава.
За настанот е известен јавен обвинител, а по целосното документирање на случајот, ЕВР Центар и Бит Пазар при СВР Скопје ќе поднесат пријава по итна постапка.
18-годишникот се сомничи за кривично дело „тешка кражба на дрзок начин“ по член 236 став 3 од Кривичниот законик.