Четврти ден протест на земјоделците во Струмица

Струмичките земјоделци не отстапуваат од своите барања. Тие и денес на протест и блокада за повисоки откупни цени на ајварката оваа сезона. Своето незадоволство денеска го изразија пред канцелариите на подрачната единица на министерството за земјоделство.

На протестот се приклучија и млади и жени земјоделки. Сите бараат правда за трудот бидејќи работат на отворено соочено со временски неприлики.

Во моментов за извоз ајварката се откупува по цена од 40 денари додека за конзервно преработувачките капацитети по цена од 25 денари.

Ване Трајков