Пред пописот во Австралија, македонските заедници со повик за јасно изјаснување на потеклото

Изјаснете се како Македонци, кои имаат македонско потекло, кои зборуваат македонски јазик и му припаѓаат на македонското православие. Ова се дел од апелите на македонските заедници, епархии и црковни општини, во пресрет на редовниот попис во Австралија, кој се одржува на секои пет години.

Целта на апелите е македонската заедница да биде правилно евидентирана, признаена и да добие што поголема поддршка. Проценките се дека во Австралија има околу 300.000 лица со македонско потекло.