ФЗО: Здравственото осигурување за вработени во МВР вратени на работа по судска постапка се активира автоматски по евидентирање на уплатените придонеси

Вработените во Министерството за внатрешни работи немаат здравствено осигурување, но тоа не е резултат на технички проблеми или застој во Фондот за здравство, информираат од институцијата.

Во МВР се регистрирани вработени кои се вратени на работа врз основа на судска одлука. За дел од овие лица во моментот не е евидентирана соодветна уплата на придонесите за здравствено осигурување за прериодот за кој се пријавени. Пријавувањето на вработените, пресметките и уплатата се процеси поврзани со системот за наплата на придонесите преку Управата за јавни приходи, додека Фондот го евидентира статусот врз основа на податоците за извршената уплата.

Во вакви случаи, кога кај правен субејкт дополнително се пријавуваат вработени за претходниот период, потребно е да се изврши соодветна корекција на пресметката на плата за тој период и да се платат придонесите и за доплнително пријавените лица.

По евидентирањето на уплатата, здравственото осигурувње се актива автоматски. Оттука не станува збор за поединечна административна одлука на Фондот, ниту за рачно исклучување на осигурениците од страна на вработените во ФЗО.

Процесот е системски и автоматизиран и истите правила важат за сите работодавачи и институциите без исклучок, стои во соопштението.