Европско првенство во пливање - доминација на британските штафети

Со триумфот на британските машки и женски штафети на 4х200 метри слободен стил, како и победата на Русинот Илја Бородин на 400 метри мешано, заврши првиот ден од финалните натпревари на Европското првенство во пливање во Париз.

Британската женска штафета на 4х200 метри слободен стил ја освои титулата европски шампион, завршувајќи убедливо пред конкуренцијата. Британките триумфираа во финалето со време од 7:45.93 минути.

Британските пливачи го следеа примерот на своите сонароднички и го освоија златниот медал во истата дисциплина со време од 7:01.52 минути.

Русинот Илја Бородин го искористи повлекувањето на Французинот Леон Маршан и ја освои европската титула во трката на 400 метри мешано. Бородин ја заврши трката со време од 4:08.17 минути, пред Италијанецот Алберто Рацети (4:10.40).

Бронзениот медал го освои Британецот Макс Личфилд со време од 4:11.58 минути.