Рекорден број пожари во Македонија, 21 активен пожар низ земјава

Македонија денеска се соочува со рекорден број активни пожари за ова лето. Според последните информации, на територијата на државата се регистрирани дури 21 активен пожар.

Пожари има во повеќе региони, а зафатени се ниска и висока вегетација, мешана и нискостеблеста шума, ниви, како и објекти.

Сите расположливи екипи се на терен и интервенираат на активните жаришта. Во Општина Студеничани има две активни жаришта. Над селата Моране, Вртекица и Рамни Габер е зафатена мешана шума, додека пожар е регистриран и во Батинци.