265 жртви во земјотресот во Колумбија, 496 лица се исчезнати

Се стеснува прозорецот за преживување по катастрофалниот земјотрес во Колумбија. Истекуваат критичните 72 часа за спасување на лица затрупани под урнатините, додека бројот на жртви и исчезнати продолжува да расте.

Илјадници се повредени, а штетите огромни. Колумбиската влада најави привремени мерки за олеснување на последиците од катастрофата.

„За жал, 265 лица загинаа. 3.494 луѓе се повредени, а бројот на исчезнати лица алармантно се зголеми на 496. Сериозноста на ситуацијата нè принудува да преземеме исклучителни мерки за справување со кризата и да ги обновиме домовите и да им обезбедиме помош на погодените граѓани“, изјави колумбискиот претседател Абелардо де ла Еспирела.