Латвиец приведен кај Богородица, во возилото превезувал 10 мигранти од Египет

На 17 август околу 22 часот во селото Богородица, гевгелиско, полициски службеници од Полициската станица за граничен надзор и гранични проверки Богородица го лишиле од слобода Р.С. (59) од Латвија.

При контрола на патничко возило „фиат типо“ со скопски регистарски ознаки, кое го управувал, полицајците ги пронашле 10-те мигранти од Египет.

Мигрантите се сместени во Прифатно-транзитниот центар „Винојуг“ во Гевгелија, додека Р.С. е предаден во Полициската станица Гевгелија.

По целосното документирање на случајот, против него ќе биде поднесена соодветна пријава.