Трамп го одложи воведувањето царини за Канада

САД го одложуваат воведувањето нови царини за широк спектар канадски стоки за три дена, додека двете земји не постигнат трговски договор. Одлуката на американскиот претседател Доналд Трамп дојде помалку од два часа пред планираното воведување царини од 50 отсто за канадски увоз во вредност од речиси 20 милијарди долари.

„Ги паузирав царините од 50 отсто против Канада за период од три дена, врз основа на фактот дека Канада и САД, во зависност од финализирањето на документите, имаат договор!“, напиша американскиот претседател Доналд Трамп на „Трут соушал“.

Трговските експерти предупредуваат дека новите царини би можеле да доведат до губење работни места и затворање компании во ранливите сектори.