Лажни СМС-пораки во име на „Безбеден град“ - МВР предупредува на фишинг-измами
Од Министерството за внатрешни работи апелираат граѓаните да не отвораат сомнителни линкови и да не споделуваат лични и банкарски податоци.
МВР предупредува на фишинг-измами преку лажни СМС и електронски пораки, кои наводно се испраќаат во име на системот „Безбеден град“.
Од Министерството за внатрешни работи апелираат граѓаните да не отвораат сомнителни линкови и да не споделуваат лични и банкарски податоци.
Официјалните СМС-известувања за сообраќаен прекршок, како што информира МВР, треба да пристигнуваат од испраќачот „MVR-SC“, да содржат регистарска ознака на возилото и официјален линк од доменот на МВР.
Секторот за компјутерски криминал продолжува со истрагите за откривање и санкционирање на сторителите на ваквите измами, уверуваат од МВР.