ФБИ спречи планиран бомбашки напад врз Капитолот во Њујорк
ФБИ уапси 35-годишна жена осомничена дека планирала бомбашки напад врз комплексот на државната власт во Њујорк и убиства на законодавци. Според обвинението, таа наводно се заколнала на верност кон Исламска држава и набавувала материјали за експлозив.
ФБИ уапси 35-годишна жена од Олбани, осомничена дека планирала бомбашки напад врз комплексот на владата и законодавната власт на сојузната држава Њујорк, како и убиство на сенатори. Според обвинението, Џесика Боуви наводно се заколнала на верност кон Исламска држава, го набљудувала Капитолот и набавувала материјали за експлозив. Властите велат дека нападот бил спречен по повеќе од еден месец истрага.
„Џесика Боуви развила детален план за напад. Таа не планирала само да убие законодавци, туку сакала целосно нарушување на нашата влада, но нејзиниот план е спречен“, изјави специјалниот агент на ФБИ, Крег Тремароли.