Западнонилска треска се шири низ Европа, најмногу случаи во Италија и Грција

Десетина европски земји пријавиле локално пренесени случаи на вирусот „Западен Нил“ од почетокот на годината, што е повеќе од отколку во истиот период минатата година, соопшти Европскиот центар за превенција и контрола на болести.

Случаи се пријавени во Македонија, Германија, Франција, Австрија, Шпанија, Грција, Италија, Холандија, Романија, Србија и други земји. Најмногу случаи, односни 311, се регистрирани во Италија, по што следи Грција со 157 случаи.

Европскиот центар за превенција и контрола на болести повика земјите во Европа да го зајакнат својот капацитет за контрола на комарци, со прекугранична соработка и интегриран пристап што вклучува следење на популациите на комарци, информирање на јавноста и целни мерки за контрола, земајќи го предвид влијанието врз животната средина.

Според Светската здравствена организација, не постојат одобрени вакцини за луѓе или специфични третмани за инфекција со вирусот „Западен Нил“.