Нормализиран сообраќајот на Табановце, намалени задржувањата поради „Безбеден град“
За олеснување и забрзување на постапката, во функција е ставена мобилната апликација „Безбеден град“, наменета во оваа фаза за странски државјани.
Сообраќајот на граничниот премин Табановце повторно се одвива нормално и без поголеми задржувања, информира Министерството за внатрешни работи. Задржувањата во изминатиот период биле поврзани со постапувањето со возила со странски регистарски ознаки кои имале евидентирани сообраќајни прекршоци преку системот „Безбеден град“.
За олеснување и забрзување на постапката, во функција е ставена мобилната апликација „Безбеден град“, наменета во оваа фаза за странски државјани.
Преку апликацијата тие можат да добијат информации за евидентираните прекршоци и издадените платни налози, како и електронски да ги подмират глобите.
Од МВР посочуваат дека со новото решение се олеснува регулирањето на сообраќајните прекршоци, што придонело за намалување на задржувањата и нормализирање на сообраќајот на Табановце.
МВР продолжува со преземање мерки за непречен проток на возила и патници на граничните премини.