Путин најави нови удари врз „најчувствителните сектори“ во Украина
Најавата доаѓа по новиот бран украински напади со беспилотни летала врз руски рафинерии, индустриски капацитети и логистички центри.
Рускиот претседател Владимир Путин најави нов одговор на украинските удари врз руската економска инфраструктура, со порака дека Москва ќе ги напаѓа „најчувствителните сектори“ во Украина. Најавата доаѓа по новиот бран украински напади со беспилотни летала врз руски рафинерии, индустриски капацитети и логистички центри.
Во меѓувреме, продолжуваат и руските масовни напади врз Украина. Најмалку седум лица загинаа вчера, само еден ден по рускиот напад врз украински трговски центар, во кој загинаа најмалку 16 лица, а околу 130 беа повредени.
Размената на удари врз инфраструктурни и цивилни цели продолжува во услови на интензивирање на руско-украинскиот конфликт.