Нов Зеланд предлага забрана за социјални мрежи за лица под 16 години

Владата на Нов Зеланд поднесе предлог-закон во Парламентот, кој предвидува забрана за користење на социјални мрежи за лица помлади од 16 години. Предлогот ќе ги обврзе платформите да преземат разумни мерки за проверка на возраста на корисниците. За непочитување на обврските, би можеле да бидат казнети со глоба до десет проценти од нивните глобални приходи.

„Едноставно не можеме да ја прифатиме штетата што се нанесува на цела една генерација деца. Социјалните мрежи ги изложуваат на штетна содржина, технологии што создаваат зависност и притисок со кој тие не се подготвени да се справат. Тоа влијае врз семејниот живот, менталното здравје, спиењето и образованието на младите“, изјави Кристофер Луксон – премиер на Нов Зеланд.