САД и Канада без преговори, трговскиот спор се продлабочува

Соединетите Американски Држави во моментов немаат отворен канал за трговски преговори со Канада, изјави американскиот трговски претставник Грир, откако Отава воведе нови контрацарини по неуспешните разговори.

Царините до 50% за американски стоки во вредност од околу 20 милијарди долари, вклучувајќи челик, алуминиум, апарати за домаќинство, млечни производи, морска храна и делови за возила, треба да стапат во сила на 8 септември.

Ескалацијата на трговскиот спор ги загрозува тесно интегрираните синџири на снабдување и би можело да доведе до повисоки цени и забавување на економскиот раст во двете земји.

„Доколку има дополнителна одмаздничка мерка од канадска страна, Соединетите Американски Држави нема само да седат и да го прифатат тоа. во моментов немаме отворени канали за преговори“, изјави Џејмисон Грир – трговски претставник на САД.